اقرأ ايضا:
خطوات البحث من الألف للياء بالتفصيل الممل
١. هات ورقة فاضية و قلم و مسطرة
٢. اكتب بياناتك بالتفصيل
اسمك و فصلك و مدرستك و رقم الكود بتاعك
لو هتعملوا مع زمايلك اكتب بياناتهم برضو
٣. اختار موضوع من موضوعات البحث.
اللي هتلاقيها اسفل البوست
بخط واضح حسب مرحلتك
٤. اكتب اسم الموضوع في نصف السطر.
٥. اكتب مقدمة للموضوع زي ما انت شايف في الصورة.
٦. نروح بقى لعناصر الموضوع والعناصر دي عبارة عن ٤ اسئلة. كل سؤال يخص مادة من المواد
يعني مثلا هتلاقي العنصر الأول اللي هو السؤال الأول يعني يخص مادة العلوم والعناصر التاني يخص مادة العربي وهكذا
٧. طيب انا عاوز نموذج جاهز واملاه
اتفضل بدل النموذج اتنين "في اسفل الموضوع"
هتجاوب منين يا باشا الأسئلة دي
من الكتاب المدرسي أو المكتبة الالكترونية او بنك المعرفة.
ودا رابط المكتبة الرقمية اللي هتبحث فيها عن الإجابات
"في اسفل الموضوع"
طيب وبعدين
٨. اكتب بقى النتائج والمصادر والمراجع و توتة توتة خلص البحث.
٩. خليه بقى معاك واحتفظ به لحد الوزير ما يظبط موقع ادمودو عشان هترفع بحثك على موقع ادمودو. ادمودو للتسليم وليس للكتابة
.
الأسئلة الشائعة بتاعتكم
انا لغات اكتب بالعربي ولا بالانجليزي؟
اكتب باللغة اللي تعجبك
طيب ينفع تؤام يعملوا البحث؟
ايوة طبعا
.
طيب آخر ميعاد امتى
معاك لحد ١٥ / ٥
.
طيب انا مسجلتش في ادمودوا edmodo
عادي جدا و ياريت ما تسجلش دلوقتي خالص لأن الموقع لسا لم يكتمل.
طيب انا سجلت ومش عارف اخرج
مش مهم التسجيل دلوقتي خالص لأن لسا الموقع مش جاهز
.
طيب انا هسلم ازاي
مش مهم تسليم دلوقتي لأن الموقع مش جاهز ولسا مكتملش
.
طيب ينفع اكتب البحث عالكمبيوتر؟
عادي مفيش مشكلة.
طيب ينفع بخط ايدي
عادي برضو. بس لازم بعد ما تكتبه تسحب الورق سكانر عشان ترفعه على المنصة الإلكترونية أوحطه على فلاشة وسلمه المدرسة وهما يرفعوه على المنصة .
هو انا هترجم البحث كله بالانجليزي
لا طبعا هترجم الجزء اللي يطلبه فقط
.
ينفع يشترك طلبة مش في مدرسة واحدة
لا طبعا لازم من نفس المدرسة
لو عندك سؤال يخص كتابة البحث مش تسليمه و رفعه على ادمودوا اسأل انا تحت امرك.
